இந்துக்களை தமிழ்மொழிதான் காக்கும்!

"இந்துக்களைக் காப்பாற்றும் ஆற்றல் தமிழ்மொழியில்தான் இருக்கிறது!"

இந்த இதழின் முதல் கட்டுரையில் 'இந்துக்களை ஒற்றுமைப்படுத்துவது ஏன் கடினமாக இருக்கின்றது?' என்ற வினாவை எழுப்பி அதற்கு விடையாக இந்துக்கள் ஒரே ஒரு கோயிலையோ, கடவுளையோ, தத்துவத்தையோ பிடிவாதமாக பின்பற்றிக் கொண்டு தாங்கள் இந்துக்கள் என்ற அடிப்படைக் கருத்தை மறந்து வாழ்வதுதான் காரணம் என்பதை விளக்கி; அதற்கு அருமருந்தாக ஆதிசிவனார் அருளிய இந்துவேதத்தை இந்துக்களுக்கு இம்மண்ணுலகில் பன்னிரண்டாவது முறையாக குருதேவர் அருளி அதன் மூலம் ஒற்றுமைப்படுத்த முயல்கின்றார் என்ற செய்தி விளக்கம் வழங்கப்படுகின்றது.

அடுத்ததாக, இந்துமதம் இந்தியாவில் உள்ள இந்துக்களை நெறிப்படுத்தினாலும், அதற்கு மேலாக உலக நாடுகளில் எல்லாம் அருளாட்சியை ஏற்படுத்தும் என்பதை உலகியலாக காரணகாரியங்களோடு விளக்கும் கட்டுரை இடம் பெறுகின்றது.

மூன்றாவதாக, இந்தியா முழுவதும் உள்ள இந்துக்களைக் காப்பாற்றும் ஆற்றல் தமிழ்மொழியில்தான் இருக்கிறது! தமிழர்களிடம்தான் இருக்கிறது! தமிழ்நாட்டில்தான் இருக்கிறது! என்ற கருத்தை விளக்கி இந்துவேதத்தை மக்களிடம் கொண்டு செல்ல உழைக்க வேண்டும் என்பதை குருதேவர் வலியுறுத்தும் கட்டுரை இருக்கிறது.

நான்காவதாக உள்ள கட்டுரையில் கிடைக்கும் வாசகம்: 'யாராக இருந்தாலும் தமிழ்மொழியை ஏற்றுக் கொண்டவர்கள் அனைவரும் தமிழர்களே!' என்ற ஆதிசிவனாரின் வாக்கின் படி தமிழகத்தில் உள்ள அனைவரையும் தமிழர்களாகத் தயாரிக்க வேண்டும். அப்படி தயாரிக்கப்படும் தமிழ்நாடுதான் இந்தியாவின் மதமான இந்துமதத்தைக் காக்கும் ஆற்றல் பெற்றது என்பதை விளக்கிடுகின்றது இந்தக் கட்டுரை.

இறுதியாக உள்ள சிறிய குறிப்பேட்டில், 'இந்துவேதத்தைக் காப்பாற்ற வேண்டிய பொறுப்பு குருதேவரால் தயாரிக்கப்பட்ட சன்னிதானங்களிடம் ஒப்படைக்கப்பட்டுள்ளது' என்பதை விளக்கி அதற்காக சன்னிதானங்கள் உழைக்க வேண்டும் என்று குருதேவர் அருளுகின்றார்.

இந்த இதழினை முழுமையாகப் படித்திட இங்கே தொடரவும் ===>>>